..A loita pola igualdade entre homes e mulleres e o movemento social por lograla
teñen un longo percorrido na historia. Xa nos anos 40 cando un país envía aos
seus homes á guerra, seis millóns de mulleres incorpóranse masivamente ao mundo
laboral nas fábricas demostrando que á hora de traballar mulleres e homes son
igualmente capaces e válidos. Comezan a construírse os novos roles das mulleres
traballadoras e a súa contribución ao cambio da economía do país é fundamental.
Xorden as primeiras garderías próximas aos centros de traballo e empézase a falar
da conciliación.
Tras unhas décadas, nos nosos días a conciliación avanzou moito desde
aquelas garderías; pero as mulleres seguimos tendo que demostrar cada día o que
xa demostramos entón: a nosa capacidade e valía. A sociedade mantense
impregnada dunha cultura sexista que fomenta esta discriminación cara á metade da
poboación mundial e a nosa situación nas empresas é un reflexo diso...
Esta xeración de mulleres valentes, loitadoras, decididas, comprometidas e
que romperon moldes, é a que nos inspirou este ano 2008 para conmemorar o
Día Internacional da Muller Traballadora.
Si, podemos:
Podemos lograr a igualdade efectiva entre mulleres e homes porque xa levamos moitos
anos demostrando que Si podemos realizar os mesmos traballos con idéntico nivel de eficiencia e
produtividade.
Podemos estar presentes en todas as categorías profesionais na mesma proporción que
os homes. Si, podemos traballar ao mesmo nivel.
Podemos combater a discriminación salarial porque Si, podemos lograr a igualdade,
tamén no salario.
Podemos obter a igualdade de oportunidades no mercado laboral e Si podemos
conciliar traballo e familia, máis cando os homes responsabilízanse a par das cargas
familiares.
E Podemos conseguir unha sociedade xusta, tolerante, solidaria e pacífica, onde a violencia
machista quede no recordo máis triste.
Como o faremos?
Co compromiso de todas e de todos, loitando, traballando e educando en igualdade.
Coa negociación colectiva a través duns plans de igualdade efectivos e cheos de contido,
que se dirixan con eficacia a corrixir as desigualdades e discriminacións que sufrimos
as mulleres nas empresas.
Combatendo os estereotipos de xénero, removendo barreiras para facilitar o acceso das
mulleres a todos os sectores e aos niveis de toma de decisións, dotándonos das habilidades,
instrumentos e recursos necesarios para traballar pola igualdade, apostando pola calidade no
emprego para as mulleres, unidade á cantidade.
Coa firmeza e dedicación de FES-UXT, que nos representa a todas e a todos.
Temos que seguir ocupando o noso espazo e participando.
UNIDES SI, PODEMOS
Para tod@s SAÚDE E IGUALDADE
Secretaria de Igualdade FES-UXT / Dpto. de Muller